Қош келдің, Наурыз!

Біздің мектеп 22 наурыз - Наурыз мейрамына 11 наурыздан бастап дайындалды. Мектеп ішін мерекеге сай шарлармен, гүлдермен безендірілді. Мереке қарсаңында 1-4 сынып оқушыларына Наурыз мерекесін дәріптейтін сынып сағаттары өткізілді. 21 наурыз "Қош келдің, Наурыз!" атта мерекелік іс-шара болды. Концерт Г.Е. Тулеуваның орындауындағы "Көктем" биімен басталды. Наурыз - достық пен сыйластықтың мейрамы. Адамдар өкпе реніштерін ұмытып, татуласады. Өзіне де, өзгеге де жақсылық пен бақыт тілеген. Осы күні ауыл ақсақалы Қайырлы ата бата берді. 1-4 сынып оқушылары көктем, бірлік туралы тақпақтар мен әндер айтып, би биледі. Барлық билер әдемі болды. Концертке балалар ғана емес, ауыл тұрғындары да қатысты. Үлкендерге арнап мектеп алаңыда сайыстар ұйымдастырылды. Қонақтар наурыз көже, ыстық шәй, бауырсақ пен құймақтан дәм татты. Демеушілер балаларға балмұздақ сыйлады. Мереке көңілді өтті. Қонақтар арқа-жарқа болып тарасты. Біз концертке қатысушыларға, демеушілер "Өкеш" ЖШ, "Аина" дүкені , "Павловка" ЖШС алғыс білдіреміз.